Ош шаардык ички иштер башкармалыгы учурдагы кырдаалдан пайдаланып, кайрымдуулук акциясын шылтоо кылып жеке кызыкчылыгы үчүн каражат топтогон шылуундардан сак болууга чакырат!
Эгерде Баткен элине кайрымдуулук жасоо ниетиӊиз бар болсо- Сиздер жакшы таанып билген адамдарга же бул багытта дайындалган расмий өкүлдөргө гана жардам каражатын берүүнү суранат.
«Көчө бойлоп, же соода түйүндөрүн, ишкана-мекемелерди аралап «Баткенге жардам» деген жазуусу бар баштыкча же кутуча көтөрүп жүргөн бейтааныш адамдарга жардам көрсөтүүдөн карманыӊыздар. Ош шаарынын борбордук аянтында жана драма театрдын алдында элдик штаб уюштурулуп, жарандардан жардам кабыл алуу пункту мыйзамдуу иштеп жаткандыгын эскертебиз. Каалоочулар болсо-ушул жерде өз жардамдарын бере алышат. Адамгерчиликтен алыс болгон айрым алдамчылар үчүн бул кырдаал-жеке кызыкчылыгы үчүн пайда табуунун булагы экенин унутпаӊыздар!»,-деп берилет билдирүүдө.
