Ысык-Көл облусунун Жети-Өгүз районуна караштуу Кызыл-Суу айылында Э. Гапаров атындагы 275 орундуу жаңы мектептин курулушу уланууда.
Долбоор республикалык бюджеттин эсебинен каржыланып, анын жалпы наркы 102 миллион сомду түзөт. Курулуш иштери 2024-жылдын октябрь айында башталган.
Долбоорго ылайык, мектеп эки кабаттуу заманбап имарат болуп, анда лабораториялар, китепкана, ашкана, компьютердик класс, жыйындар залы жана спорт залы жайгашат.
Имараттын жалпы аянты 1 596 чарчы метрди түзөт. Учурда мектептин терезелери толугу менен орнотулуп, ички жана тышкы курулуш-монтаждоо иштери жүргүзүлүүдө.
Курулуштун жүрүшү жана сапаты Курулуш министрлигине караштуу Турак жай-жарандык курулуш департаменти тарабынан көзөмөлдөнүп жатат.
