Бишкекте жол кырсыгынан баланын каза болушуна байланыштуу автобустун айдоочусу кармалды. Бул тууралуу Бишкек ШИИББи билдирди.
Маалыматка ылайык, кырсык 13-июлда эртең менен саат 09:00дөр чамасында болгон. Айдоочу автобусту Жаш Гвардия бульвары менен түштүк багытты көздөй башкарып бара жатып, Рыскулов көчөсүнө бурулуп жаткан учурда жолдон өтүп бара жаткан 10 жашар баланы сүзүп кеткен.
Жабыркаган бала ооруканага жеткирилип, жандандыруу бөлүмүндө каза болгон.
Аталган факты боюнча кылмыш иши козголду.
Автобус айып короого киргизилип, тергөөнүн алкагында тиешелүү экспертизалар дайындалды. Ал эми айдоочу убактылуу кармоочу жайга камалды.
