Бишкек шаарында мыйзамсыз түрдө медициналык иш-аракеттерди (косметологиялык процедуралар) жүргүзгөн сулуулук салондоруна текшерүү жүргүзүлдү. Бул тууралуу Саламаттыкты сактоо министрлигинен билдиришти.
Текшерүүнүн жүрүшүндө тиешелүү лицензиясы жок иштеген 26 косметологиялык салон аныкталып, 84 миң сом айып пул салынган.
Аталган косметология мекемелери лицензиясы жок иштеп, тиешелүү уруксат кагаздары жок мыйзамсыз иш-аракеттерге барышкан. Ошондой эле, мыйзамсыз дарыгерлик менен алектенип, медициналык манипуляцияларды жана хирургиялык кийлигишүүлөрдү жүргүзүшкөн.
