1-майдан 10-майга чейин Бишкек ШИИББнын кызматкерлери күчөтүлгөн тартипте кызмат өтөйт. Алар коомдук тартипти, жарандардын жана коноктордун коопсуздугун камсыздап, укук бузууларды жана кылмыштуулукту алдын алууда.
Бишкек ШИИББнын жетекчилиги алдыдагы май майрамдарына арналган иш-чараларды өткөрүүдө өздүк курамдын арасында укук бузууларды алдын алуу жана кызматтык тартипти сактоо боюнча милдеттерди койду.
Май майрамдарын белгилөө маалында борбор калаада массалык иш-чаралар уюштурулуп, анда 1 миң 500дөн ашык милиция кызматкерлери түнгө чейин коомдук тартипти, борбор калаанын жарандарынын жана конокторунун коопсуздугун сактоо үчүн кызмат кылышат.
