Кыргыз-тажик чек арасындагы жаңжалдан жабыркаган Лейлек районундагы Максат айылынын тургуну Гүлчахра Ибрагимова ок атышуу башталганда балдарын ээрчитип алып, качып жөнөгөн.
«Мен Ибрагимова Гүлчахра Максат айылынын тургунумун. Биз ушул жерде жашайбыз, атышуудан кийин бул жерден чыгып кеттик. Алар качып баратканда атышуулардын очогуна жетип калышты, балдарыбызды араң чыгардык. Ок атышуу саат 8:30дар чамасында башталган. Ошол күнү балдарды мектепке жөнөтөбүз деп жатканбыз, анан группага мектепке, бала бакчага келбегиле деген билдирүү жазылыптыр. Айыл башчы балдарды дароо алып чыгууну буйруду, анан баарыбыз үйүбүздөн чыга баштадык»,-деди ал.