Туризм тармагындагы эксперт Максат Чаки: Кыргызстан эгемен мамлекет болуп, туризмди өнүктүрө баштаганда, жардам берип, сунуш айткан чет өлкөлүк эксперттер – туризмдин эң жөнөкөй түрүн сунуштаган, ал – табийгатты пайдаланып, тоого чыгып, көлгө түшүп, боз үй тигип, туристтерге тамак берүү жана аларды ойнотуу иштери менен байланышкан. Бул тепкичти биздин өкмөт да, катардагы эл дагы жакшы эле өздөштүрдү, бирок бул – туризмдин эң жөнөкөй түрү, андан көп деле киреше таппайсың, ошол эле учурда экологияга да зыян тийип жатат.

Батыш мамлекеттери жана бизге кошуна Өзбекстан башка деңгээлдеги туризмди өнүктүрүп жатат – чет өлкөлүк туристтер эң көп акчаны тоо же капчыгайларды аралаганда эмес, шаарда калганда коротот, анткенни шаарда – такси, ресторан, көргөзмө, театр, дүкөн шоппинги, ар башка оюн-зооктор бар. Ошондуктан биз туризмдин жаңы тепкичине чыгыш керекпиз жана элиталык туризмге көңүл буруш керек. Арзан туризм тармагына келген 100 турист калтырган акчаны элиталык бир турист сарптап кетиши мүмкүн, ал үчүн жалпы туризм концепциясын кайра карап чыгууга мезгил жетти…