Малик Аликеевге «КРдин эмгек сиңирген артисти» наамы ыйгарылды. Бул тууралуу Маданият, маалымат спорт жана жаштар саясаты министрлигинин басма сөз кызматы билдирди.
Бүгүн, 4- апрелде Кыргыз Республикасынын Маданият, маалымат спорт жана жаштар саясаты министри Кайрат Иманалиев Малик Аликеевге «Кыргыз Республикасынын эмгек сиңирген артисти» ардактуу наамын тапшырып келди.
Анда ырчынын үй- бүлөлүк абалы менен таанышып, Кыргыз Республикасынын Президенти Садыр Жапаровдун жана Кыргыз Республикасынын Премьер-министри Улукбек Мариповдун атынан материалдык жардам тапшырылды.
Эске салсак, Малик Аликеев өткөн жылы жамбаш сөөгүнөн жабыркап операция жасалган.
