Мамлекеттин карамагында турган Megacom компаниясынын экс-директору Акылбек Жамангулов үй камагына бошотулду. Бул тууралуу Бишкек шаардык сотунун басма сөз кызматы билдирди.
Кечээ, 20-июнда, Жамангуловдун баш коргоо чарасын өзгөртүү өтүнүчү Октябрь райондук сотунда каралган. Анда судья 12-июлга чейин үй камагына чыгаруу чечимин чыгарган.
Эскертсек, Жамангулов 12-март күнү Башкы прокуратура тарабынан кармалган. Ал бирөөнүн ири суммадагы мүлкүнө ээ болуп алган деп шектелүүдө.
Акылбек Жамангулов Megacom компаниясын 2018-2021-жылдары башкарган. Ага чейин Жогорку Кеңештин депутаты болгон.