Англиялык легендарлуу Гари Линекер португалиялык Криштиану Роналду менен аргентиналык Лионель Мессинин атаандаштыгы тууралуу айтты. Бул тууралуу Tengri Sport жазды.
Буга чейин 36 жаштагы аргентиналык футболчу карьерасында 8-Алтын топту жеңип алган. Ошондой эле, Месси футбол тарыхындагы эң мыкты оюнчу деп аталган.
«Азыр Месси талашсыз эң мыкты оюнчу. Аны Криштиану Роналдуга көрсөткүчү жагынан салыштыргандар бар. Бирок биз алардын оюнун көргөндө алар бизге берген ырахат жагынан Месси менен теңтайлаша турган эч ким жок”, — деген Линекер.
Криштиануга келсек, 38 жаштагы португалиялык чабуулчу карьерасындагы эң кооз голдордун бирин киргизди.
