Мамлекеттик ипотекалык компания (МИК) Бишкек жана Ош шаарларынан тышкары бардык аймактарда турак жай алууну каалаган жарандар үчүн жаңы жеңилдетилген ипотекалык механизмди ишке киргизди.
Жаңы шартка ылайык, баштапкы төлөм батирдин баасынын 30 пайызын түзөт. Калган 20 пайызы батирди алганга чейин ыңгайлуу убакта бөлүп төлөнөт. Ал эми батир алынгандан кийин калган 50 пайызы 15 жылга чейин жылдык 8 пайыздык үстөк менен төлөнөт.
МИК жарандарды турак жай программалары боюнча кеңири маалымат алуу үчүн расмий сайтына же аймактык өкүлчүлүктөрүнө кайрылууга чакырды.
