Москва районунда бөтөлкөлөшүнө бычак сайган 30 жаштагы жаран кармалды. Бул тууралуу Чүй облустук милициясынан билдиришти.
Маалыматка караганда, милицияга 27-сентябрь күнү Москва райондук ооруканага бычактан жаракат алган жаран жаткырылгандыгы боюнча билдирүү түшкөн.
Ыкчам тергөө тобу жерине барып, жаракат алган адам 1979-жылы туулган Я.А. аттуу жаран экенин аныктаган.
Аталган факт боюнча Кылмыш-жаза кодексинин 130-беренесинин (ден соолука оор залал келтирүү) негизинде кылмыш иши козголуп, ыкчам иликтөөнүн жүрүшүндө шектүү 1992-жылы туулган К.С. аттуу жаран кармалган.
Кылмышка шектүү убактылуу кармоочу жайга киргизилип, тергөө иштери башталган.
Тергөөнүн жүрүшүндө экөө чогуу спирт ичимдигин ичип, ортодогу чырдан улам аталган окуя келип чыккан.
Учурда окуяга соттук-медициналык экспертиза дайындалып, тергөө амалдары жүргүзүлүүдө.
