Апрелевкада жайгашкан турак үйдүн короосунда гастарбайтерлер катышкан дагы бир массалык мушташ катталды. Бул тууралуу орусиялык басылмалар жазып чыгышты.
Укук коргоо органдарынын айтымында, жаңжал 18-июлга караган түнү болуп, массалык мушташтка 20га жакын адам катышкан. Алар бири-бирин таяк менен сабап, бөтөлкөлөрдү ыргытышкан. Мушташ учурунда короодо токтоп турган бир нече унаа жабыркаган.
Окуянын күбөлөрү, мушташ учурунда ок атуу дагы болгонун айтышкан, бирок башаламандык кимдер тарабынан жана кандай куралдар колдонулганын аныктала элек.
Учурда милиция мушташтын катышуучуларын, чырдын себептерин аныктап жатат.
