Бүгүн, 13-мартта Мьянмадагы баш аламандык учурунда кеминде беш адам полиция тарабынан өлтүрүлгөнүн «Reuters» агенттиги жазып чыкты.
Маалыматка ылайык, 1-февралдан тарта аскердик төңкөрүшкө каршы массалык нааразычылыктан жалпы 70ге чукул жаран көз жумду.
Мьянмада жарандык бийликтин кулатылышына каршы массалык демонстрациясы февраль айынын башында, аскерлер жоокерлерди көчөлөргө алып чыгып, жаңы парламенттин биринчи сессиясын үзгүлтүккө учураткандан бери басаңдай элек. Армия өлкөнүн жарандык лидерлерин, анын ичинде башкы лидер Аун Сан Су Чжи менен президент Вин Минди үй камагына чыгарып, бир жылга өзгөчө абал режимин киргизген.
