Антибиотикти өзү билемдике салып дарылануу ичегиде көйгөй жаратып, жыйынтыгында онкологиялык же жүрөк-кан тамыр ооруларына алып келиши мүмкүн. Бул тууралуу дарыгер жана алып баруучу Александр Мясников билдиргенин РИА Новости жазды.
Маалыматка ылайык, ичегидеги микрофлораларга (пайдалуу бактериялар) зыяны тийип, инфаркт, инсульт, рак ооруларына алып келиши мүмкүн. Микрофлора бир тараптуу тамактанууну жактырбайт. Ошондуктан түрлөп тамактануу кажет экени айтылган.
«Микрофлоранын жардамы менен канга пайдалуу заттар сиңет. Ал ичегиде оору чакырган бактериялардын пайда болушун да алдын алат. Ошол себептен тамактанууга жана дары-дармек колдонууга адам өзгөчө көңүл буруусу зарыл»- деген дарыгер.
Эскерте кетсек, антибиотиктерди дарыгер жазып берген учурда гана ичүү керектигин эскерткен.
