Нарын шаарынын 51 жаштагы тургуну дарыядан изделүүдө. Бул тууралуу ӨКМдин басма сөз кызматы билдирди.
Маалыматка ылайык, 24-майда Нарын шаарынын тургундары 51 жаштагы Ы.Б. аттуу эркек адамды издөө сунушу менен кайрылышкан. Жакын туугандарынын айтымында, 16-май күнү ал үйүнөн чыгып кеткен бойдон үйүнө кайрылып келген эмес.
Бүгүн дайынсыз жоголгон адамдын туугандары Өзгөчө кырдаалдар министрлигинин Нарын шаардык бөлүмүнө «Нарын» дарыясынан издеп берүү сунушу менен кайрылышкан.
Дарыядан издөө үчүн Нарын шаардык №16 ӨКБдан 3 куткаруучу тартылды. Учурда издөө жүрүп жатат.
Кошумча маалымат берилет.