Нарын дарыясынан эркек кишинин жансыз денеси табылды. Бул тууралуу Нарын ОИИБнын басма сөз кызматы билдирди.
Маалыматка ылайык, 15-апрель күнү саат 17:55 чамасында белгисиз жаран Нарын дарыясына түшүп кеткендиги тууралуу маалымат түшкөн.
Аталган билдирүү Нарын ШИИБнүн электрондук каттоосуна алынып, окуя болгон жерге ыкчам тергөө тобу барган учурда белгисиз адам сууга түшүп кеткенин көргөн күбөлөр такталып, сууга түшүп кеткен адамды табуу, издөө иштери башталган.
«Издөө иштерин жүрүшүндө Нарын ОИИБнын кызматкерлери тарабынан ушул эле күнү саат 00:15 чамасында Нарын суунун түндүк тарабынан белгисиз адамдын жансыз денесин табышкан. Бул факты боюнча өздүгүн тактоо максатында ыкчам-иликтөө иштери жүргүзүлүп жатат», — деп берилет маалыматта.
