Нарын шаарындагы «Ата-Түрк» балдар бакчасына алгачкы жолу күн энергиясынын негизинде иштеген заманбап жылуулук системасы орнотулду. Бул тууралуу президенттин Нарын облусундагы өкүлчүлүгү билдирди.
Маалыматка ылайык, жаңы система облус башчысы Нурбек Сатаровдун демилгеси менен ишке ашырылды.
Долбоордун алкагында күндөн алынган электр энергиясы имаратты жылытууга, салкындатууга жана башка чарбалык муктаждыктарга пайдаланылат. Мындай технология электр энергиясын үнөмдөөгө, эксплуатациялык чыгымдарды кыскартууга жана энергетикалык ресурстарды сарамжалдуу пайдаланууга мүмкүндүк берет.
Ошондой эле бул тажрыйбаны келечекте башка мамлекеттик социалдык мекемелерге жана жеке турак жайларга да жайылтуу мүмкүнчүлүгү каралууда.
