“Манас” эл аралык аэропортунда Токио-2020 жайкы Олимпиада оюндарында ийгилик жараткан спортчуларды салтанаттуу тосуп алышты.
Тосуп алуу аземине спорттун чеберлери, балбандардын күйөрмандары, Массалык маалымат каражаттарынын өкүлдөрү, барышты.
Спортчулар учактан түшкөн соң, аларга гүл тартууланып. Андан соң аэропорттун имаратында аларга ыраазычылык билдиришип, атайын маалымат жыйын уюштурулду. Учурда “Ала-Тоо” аянтындагы уюштурулуп жаткан салтанатка сапар тартуу алдында турушат. Аянтта Кыргыз Республикасынын Олимпиадалык курама командасынын мүчөлөрүнө арналган салтанаттуу кече уюштурулат.
Салтанаттуу иш-чарага өлкөбүздүн намысын коргогон спортчулар, машыктыруучулар катышып, эл менен жүз көрүшөт. Ал эми кече кыргыз эстрадасынын белгилүү жылдыздарынын коштоосунда өтөт.