Ош шаарынын казысы болуп Мырзакул кары Осмонов дайындалды. Маалыматты Кыргызстан мусулмандарынын дин башкармалыгынан билдиришти. Тиешелүү буйрукка муфтий Замир кары Ракиев кол койду.
Мырзакул Осмонов Чоң-Алай районунун Даарот-Коргон айылында туулган.
2000-2003-жылдары Бишкектеги Умар бин Хаттаб медресесинен билим алган.
2011-2015-жылдары Ош облусундагы Абдужапар Ислам институтунда, 2009-2016-жылдары Ош технологиялык университетинин энергетика факультетинде окуган.
2022-жылдын февраль айынан бүгүнкү күнгө чейин Ош шаарындагы «Али аль-Байт» мечитинин имам-хатиби болуп эмгектенип келген.
Кыргыз, орус, араб, түрк, урду тилдерин эркин билет.