Ош шаарында 28-октябрдан тарта бардык социалдык объектилерге жана турак жайларга жылуулук берилет.
Ош шаарынын мэри Алмаз Мамбетов 28-октябрдан баштап бардык социалдык объектилерге жана турак жайларга жылуулук берип баштоо боюнча буйрукка кол койгон.
МАБ кызматкерлерине тиешелүү кызматтар менен биргеликте жашоочулар арасында үйлөрдүн жылуулук тармактарын текшерип, даярдоо боюнча түшүндүрүү иштерин жүргүзүү тапшырылды.
«Эгерде жылуулук берүүдө көйгөйлөр жаралса Ош шаарынын муниципалдык турак-жай коммуналдык башкармасынын авариялык кызматына байланышыңыздар. Авариялык кызмат 24 саат бою эл кызматында.
Байланыш номерлери: (03222) 5-66-24; (0999) 58-66-24; (0509) 58-66-24″,- деп берилет маалыматта.