Ош облусунун Өзгөн районунда 14 жаштагы кыз көз жарган. Бул тууралуу жергиликтүү ЖМКлар жазышууда.
Өспүрүм кыз 18-август күнү көз жарып, уул төрөгөн. Бул маалыматты Өзгөн райондук аймактык ооруканасынан тастыкташкан.
Окуя боюнча Ош ОИИБи бул факты Өзгөн райондук ички иштер бөлүмүнө каттоого алынып, тергөөгө чейинки текшерүү иштери башталган.
Чогултулган материалдын негизинде Кылмыш-жаза кодексинин 154-беренеси (зордуктоо) боюнча кылмыш иши козголуп, ыкчам-тергөө амалдары башталган.
Жүргүзүлгөн ыкчам-издөө иш-чараларынын натыйжасында, кылмышка шектүү катары Өзгөн районунун 2003-жылы туулган тургуну кармалып, убактылуу кармоочу жайга киргизилди.
Учурда тергөө амалдары уланууда.
