Ошто 16 жаштагы кыз зордукталды. Окуя 23-июнь күнү Ноокат районунун аймагында болгонун облустук ички иштер башкармалыгы билдирди. Эртеси 24-июнь күнү тиешелүү кызматка бул боюнча өспүрүмдүн атасы кабарлап, арыз жазган.
Учурда тиешелүү экспертиза дайындалып, тергөө жүрүп жатат.
«Окуянын чоо-жайын 94-беренеге (жазык жоопкерчилиги курагына жете элек жашы жетпеген укук бузуучуну коргоо) ылайык толук айта албайбыз. Буга акыркы учурдагы балдар катышкан фактылар боюнча ата-энелерден, туугандарынан арыз көп түшүп жатканы себеп», — дешет мекемеден.
