7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Апрель 2024
Пн Вт Ср Чт Пт Сб Вс
1234567
891011121314
15161718192021
22232425262728
2930  
  • social_icon
  • social_icon
  • social_icon
  • social_icon

Президент ишкерлер үчүн жагымдуу салык чөйрөсүн түзүү жөнүндө жарлыкка кол койду

243

Президент Садыр Жапаров “Ишкердик субъекттер үчүн жагымдуу салык чөйрөсүн түзүү жана камсыздандырылган адамдардын мамлекеттик социалдык камсыздоого кызыкчылыгын жогорулатуу жөнүндө” жарлыкка кол койду.

Өлкөнүн экономикасынын алдында турган учурдагы чакырыктардын шартында экономикалык өсүүнүн жана социалдык өнүгүүнүн маанилүү кыймылдаткычы болуп эсептелген ишкердик субъекттерге дем берүүгө жана колдоого өзгөчө көңүл бурулууда. Ошондой болсо да, көптөгөн ишкерлер расмий эмес сектордо иштөөсүн улантууда, бул өлкөнүн атаандаштыкка жөндөмдүүлүгүн жана инновациялык потенциалын өнүктүрүүгө тоскоолдуктарды жаратууда.

Камсыздандыруу төгүмдөрүнүн тарифтеринин колдонуудагы ставкасы бизнестин өкүлдөрү туш болгон эң курч проблемалардын бири болуп саналат. Иш берүүчү төлөгөн социалдык чегерүүлөр салыктык чегерүүлөрдүн суммасынан олуттуу ашат, муну менен кызматкерлердин эмгек акысынын өлчөмдөрүн төмөндөтүү үчүн негиздер түзүлүп жатат жана ишкердикти өнүктүрүү үчүн жагымсыз экономикалык чөйрөнүн келип чыгуусуна түрткү болууда.

Бизнес үчүн кыйла жагымдуу шарттарды түзүү, активдүүлүгүнө дем берүү, финансылык ресурстардын жеткиликтүүлүгүн көбөйтүү жана финансылык оорчулукту жеңилдетүү максатында, Кыргыз Республикасынын Конституциясынын 71-беренесине ылайык токтом кылынат:

1. Кыргыз Республикасынын Министрлер кабинети:
– Жогорку Кеңештин кароосуна төмөнкүлөрдү караган Кыргыз Республикасынын мыйзамдарынын долбоорлорун киргизсин:
1) бюджеттик уюмдарды жана жогорку кирешелүү тармактарды (пайдалуу кендерди казып алууну; электр энергиясы, газ, буу жана кондицияланган аба менен камсыз кылууну (жабдууну); маалыматты жана байланышты; акциздик товарларды (алкоголдук, тамеки буюмдары жана күйүүчү-майлоочу материалдар) сатууну; коммерциялык банктарды, адистештирилген финансы-кредиттик же кредиттик мекемелерди) кошпогондо, ишкердик субъекттер үчүн камсыздандыруу төгүмдөрүнүн ставкаларын 27,25 пайыздан 12,25 пайызга чейин төмөндөтүүнү;
2) кызматкерлерге төлөнүүчү эмгек акыны (кирешени) жашыргандыгы үчүн иш берүүчүлөрдүн жоопкерчилигин;
3) салык салуу жана камсыздандыруу төгүмдөрүн эсептөө максаттары үчүн эмгек акыны белгилөө боюнча талаптарды аныктоону;

244