Соцтармактарга Каракол шаарындагы чек ара бөлүгүндөгү мыйзам бузуулар боюнча Чек ара кызматынын 2028-аскер бөлүгүнүн кызматкеринин кайрылуусу жарыяланган. Бул боюнча президент Садыр Жапаров аскер прокуратурасы иш алып барып жатканын билдирди.
«Эгерде Кыргызстанда сөз эркиндиги, адам укугу жок болсо, анда ушул аскер айым эфирден түздөн-түз кайрылуу жасап чыкпайт эле. Азыр аскер прокуратурасы бул боюнча дыкат иш алып барууда. Жыйынтыгы жарыяланат. Мындай мисалдар бизде көп. Кыргызстанда сөз эркиндиги болуп келген жана боло берет»,- деп жазды өлкө башчы.
Буга чейин УКМКнын басма сөз кызматы Жылдыз Асанакунованын маалыматы тастыкталбаганын билдирген.
