Бейиштин төрүндөй болгон жаратылышыбызды келечек муундарга көздүн карегиндей сактап, таза өткөрүп берип кетеличи мекендештер! Бул тууралуу президент Садыр Жапаров социалдык тармактагы баракчасы аркылуу билдирди.
“Учурдан пайдаланып, Бишкек, Ош жана башка шаарлардын мэрлеринин суранычын эсиңиздерге сала кетейин.
Урматтуу шаар тургундары!
Таштандыны кеч киргенден баштап түнкү саат 24:00 гө чейин таштап берсеңиздер.
Түнү менен таштанды тазаланат. Көпчүлүк эртең менен таштанды таштаганга көнүп калышкан.
Ошондуктан эртең менен эмес, түнкү саат 24:00 гө чейин таштанды таштаганга үйрөнсөңөр, күндүз кечке таштанды салган челектер таза турмак. Шаарларыбыз таза болсо өзүңөргө эле жакшы эмеспи”,- дейт өлкө башчы.
