Бишкекте президент Садыр Жапаровдун катышуусу менен салтка айланып калган кезектеги «Мурас» футболдук турнири башталды.
Мелдешке 16 команда катышууда. Оюн 8-9-декабрь күндөрү өтөт. Президент турнирдин башында куттуктоо сөзүн сүйлөп, жалпы катышуучуларга ийгилик каалады.
Командалар төрт тайпага бөлүнгөн, оюндар мурункудай эле эки локацияда: “Газпром — балдарга” ден соолук чыңдоо комплексинде (А жана В тайпалары) жана Кожомкул атындагы Спорт сарайында (C жана D тайпалары) өтөт.
Оюндар УТРКнын түз эфиринен көрсөтүлүүдө. Иш-чара Кыргыз футбол союзу жана президенттин администрациясы тарабынан уюштурулган.
