«Массалык башаламандык уюштурууга даярдык көргөн» деп шек саналган саясатчы Равшан Жээнбеков, жарандык активист Эрлан Бекчоро уулу, Жогорку Кеңештин V чакырылышынын депутаты, «Ата Мекен» партиясынын төрайымы Асия Сасыкбаева эки айга камакка алынды.

«Бишкек шаарынын Биринчи май райондук сотунун 2022-жылдын 24-октябрындагы токтомуна ылайык, Ички иштер министрлигинин тергөө кызматынын өтүнүчү канааттандырылды. Айыпталуучу Асия Сасыкбаева менен Равшан Жээнбековго карата бөгөт коюу чарасы катары камакка алуу түрү тергөө мөөнөтүнө, башкача айтканда 2022-жылдын 20-декабрь күнүнө чейин тандалды жана ал Юстиция министрлигине караштуу Жазаларды аткаруу кызматынын №21-мекемесине камакка алынды.

Ал эми Бишкек шаарынын Биринчи май райондук сотунун ушул жылдын 25-октябрдагы токтомуна ылайык, Ички иштер министрлигинин тергөө кызматынын өтүнүчү канааттандырылды. Айыпталуучу Эрлан Бекчоро уулуна карата бөгөт коюу чарасы катары камакка алуу түрү тергөө мөөнөтүнө, башкача айтканда 2022-жылдын 20-декабрь күнүнө чейин тандалды жана ал Юстиция министрлигине караштуу ЖАКнин №21-мекемесине камакка алынды»,-деп берилет маалыматта.