Бүгүн Жогорку Кеңештин жыйынында Өмүрбек Бакировдун ордуна келген Равшанбек Рысбаев депутат Талант Мамытовдон асылбай жүрүшүн талап кылды.
«Бул сот процесси 2 жылдан бери созулуп келе жатат. Аны Мамытов жакшы билет. Добуш сатып алуу менен кармалып, иш козголуп турганда колунан жетелеп келип, 7-кабатка отургузуп алган. Мына акыйкаттык бар экен. Депутаттыгын тапшырып отурат. Ээси келсе, бээсин бер дейт. Мени 10 миңден ашык эл шайлаган. Мамытов өзү алган добушту салыштырып, анан бирөөгө асылсын», — деди ал.
Өткөн жумада Мамытов БШК Көк-Жар окуругу боюнча Рысбаевди жеңүүчү деп таба албай турганын айткан. Анткени буга чейинки протоколдордун баары Бакировдун пайдасына чечилип, ал бүгүнкү күндө да жокко чыгарыла электигин белгилеген.
