Кыргызстан жөнөткөн гумжардам Орусияга жетти. Орусиянын министри Кыргызстандын министрине чалып, ыраазчылык билдирди. Бул тууралуу ӨКМден билдирди.
Суу апаатынан жабыркаган Оренбург облусунун Орск шаарына жөнөтүлгөн гумжардамдын 2-бөлүгүн Россия Федерациясынын Жарандык коргонуу, өзгөчө кырдаалдар жана табигый кырсыктардын кесепеттерин жоюу министри, генерал-лейтенант Александр Куренков тосуп алып, кыргыз элине гуманитардык жардам үчүн терең ыраазычылык билдирди.
Куренков кесиптеши генерал-майор Бообек Ажикеев менен телефон аркылуу байланышып, өз сөзүндө: » Достугубуз кылымдарга! Кыргыз элинин бул жардамы эсибизде түбөлүк сакталат»-, деп баса белгиледи.
Белгилей кетсек, 24-апрель күнү министр Александр Куренков менен » Оренбург жардам кербенин» жетектеп келген Жарандык коргонуу башкармалыгынын башчысы, полковник Алмазбек Асанов башында турган ӨКМдин кызматкерлери менен жолугушуусу өтөт.
Посмотреть эту публикацию в Instagram
