Ош шаарында 2-май күнү төрт эм төрөлгөнүн облустук төрөт үйүнөн 7-каналга билдиришти.
Билдирүүгө ылайык, 32 жаштагы Замирахон Каримова төрт эмди жарык дүйнөгө алып келген. Ымыркайлардын экөө уул, экөө кыз. Алар айына жетпей төрөлгөн, учурда абалы жакшы экендиги айтылат.
«Ымыркайлар 1 кг 200 граммга чейинки салмакта төрөлгөн, алар бүгүн, 17-майда төрөт үйүнөн чыгарылат. Төрт эм Замирахондун үчүнчү төрөтү. Буга чейин ал эки уулду жарык дүйнөгө алып келген»,-деп берилет билдирүүдө.