УКМКнин Чек ара кызматынын маалымат жана коммуникация башкармалыгы саат 18:30го карата кыргыз-тажик мамлекеттик чек ара тилкесинде жагдай чыңалуу бойдон калууда экендигин маалымдайт.
Жетишкен макулдашууларга карабастан тажик тарап кайрадан Лейлек районундагы Кулунду жана Жаңы-Жер айылындагы кыргыз чек арачыларынын позицияларына карата ок чыгарды.
Баткен районунда тажик тараптан бир убакта бир нече ок чыгаруучу реактивдүү система колдонулгандыгы катталды.
УКМКнин Чек ара кызматы ок атышууну толугу менен токтотууга жана чыр-чатактын жайгарылышына бардык чараларды көрүүдө.
