Президент Садыр Жапаров 28-январда эл аралык уюмдардын башчылары менен жолугушту. Бул тууралуу Президенттин аппаратынын маалыматтык саясат бөлүмү кабарлады.
Жолугушууга Түрк тилдүү мамлекеттердин кызматташтык кеңеши, Эл аралык Түрк академиясы, ТҮРКСОЙ, Европа Биримдиги, Жамааттык Коопсуздук Келишим Уюму, КМШнын Аткаруу комитети, Евразия Экономикалык Комиссиясынын коллегиясы жана Евразия өнүктүрүү банкынын жетекчилери, өкүлдөрү келишти.
Садыр Жапаров Кыргызстан буга чейин жетишилген эки жана көп тараптуу келишимдерге ылайык, бардык эл аралык милдеттенмелерди аткарып келгендигин, мындан ары да аткара берерин белгиледи.
Эл аралык уюмдардын башчылары Садыр Жапаровду президенттик кызматка расмий киришүүсү менен куттукташты.
Алар алдыда турган милдеттерди комплекстүү чечүү үчүн тыгыз кызматташууга жана жүргүзүлүп жаткан реформаларды колдоого даяр экендигин айтышты.
