7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Август 2025
Пн Вт Ср Чт Пт Сб Вс
 123
45678910
11121314151617
18192021222324
25262728293031
  • social_icon
  • social_icon
  • social_icon
  • social_icon

Садыр Жапаровдун Бельгияга болгон иш сапары аяктады

336

Президент Садыр Жапаровдун 24-25-июнда Бельгия Королдугуна (Брюссель) болгон иш сапары аяктады.

Сапардын алкагында  Мамлекет башчысы Бельгиянын Королу Филипп менен сүйлөшүүлөрдү өткөрдү. 

Жолугушуу бетме-бет форматта өтүп, анда тараптар Кыргызстан менен Бельгиянын ортосундагы кызматташтыктын актуалдуу маселелерин талкуулашты. 

Андан кийин Президент Садыр Жапаров Европа Кеңешинин Президенти Шарль Мишель менен тар жана кеңейтилген курамда сүйлөшүүлөрдү жүргүздү. 

Тараптар кеңири чөйрөдө эки тараптуу өз ара аракеттенүүнүн актуалдуу маселелерин талкуулап, соода-экономикалык кызматташуунун келечеги, энергетика, транспорт, сейрек кездешүүчү металлдар, айыл чарба жана башка тармактарда биргелешкен долбоорлорду инвестициялоо жана ишке ашыруу боюнча пикир алмашты. 

Андан соң эки тараптуу сүйлөшүүлөрдүн жыйынтыгында Кыргызстан менен Европа Бирлигинин ортосунда Кеңейтилген өнөктөштүк жана кызматташуу жөнүндө макулдашууга кол коюу аземи болуп өттү. 

Ошоле эле Брюсселде Мамлекет башчысы иш сапарынын алкагында Өзгөчө кырдаалдарга чара көрүү координациялык борборуна (ERCC) барды. 

Бул борбор Европа Бирлигинин Жарандык коргонуу механизминин ордосу болуп саналат. Ал табигый кырсыктардан жапа чеккен өлкөлөргө жардамды —  биринчи кезектеги зарыл буюмдарды, эксперттик билгилерди, жарандык коргонуу топторун жана атайын жабдууларды — жеткирүүнү координациялайт. 

ERCC суткасына 24 саат, жумасына 7 күн иштейт. Ал улуттук бийликтердин же БУУнун органынын өтүнүчү боюнча ири табигый кырсыктан жапа чеккен ЕБ ичиндеги же тышындагы каалаган өлкөгө жардам бере алат. 

Бельгия Королдугуна болгон иш сапарын аяктап, Президент Садыр Жапаров 25-июндан 26-июнга караган түнү Бишкекке кайтып келди.

 

 

 

 

 

 

  

 

  

 

 

 

 

 

337