Социалдык тармактарда Панфилов эс алуучу паркындагы аялдардан турган уурулук менен алектенген топтун видеосу тарады.
Тасмада байкалгандай эле, алгач жаш келин баласы менен узун автобуска отурат, анын жанында дагы 3 аял айланчыктап жүрөт. Ак кийимчени жабырлануучуну жөөлөп анын уюлдук телефонун алып, капталындагы гүлдүү костюм кийген аялга берген. Ал эми ал бир аз басып жоолук салынган кызга өткөрүп берген. Бир аздан кийин телефонун алган аял түшпөй калган кишидей басып кеткен.
Жабырлануучу телефонун алдырып жибергенин сезип, алардын артынан жөнөгөн. Бул кадрлардын баардыгы оюн-зоок жайындагы видео-көзөмөлгө түшүп калган.
Жабырлануучу «башкадан күтсөм дагы, жоолукчан кыздан күтпөдүм эле», — дейт.
