Алдыдагы Парламенттик шайлоодо журналисттердин материалдарына анализ жүргүзүп, көзөмөлдөп туруу үчүн атайын эксперттер тобу иш алып барат. Бул тууралуу Нарын шаарында өтүп жаткан, кыргыз тилдүү журналисттердин «Ийгиликке кадам» медиа форумунда айтылды.
Маалыматка ылайык, аталган жумушчу топ үгүт иштериндеги мыйзам ченемдери тууралуу маалымат таркатып, андан сырткары ММКларга көзөмөл кылат. Бул бир чети өз ишин түз алып барып жаткан ММКларды БШК же башка тараптардын мыйзамсыз айыптоосунан коргоо болсо, экинчи тарабы чектен чыккан ММКларга анализ кылып, чара көрүлүүсү үчүн БШКга жолдомо берүү. Башкача айтканча БШК эми чектен чыккан СМИлерди ушул жумушчу топтун сунушу менен жазага тартат.
Бул 2 эскертүүдөн кийин аккредитациядан чыгарууга чейин болушу айтылды. Жумушчу топко ММК тармагын түшүнгөн тажрыйбалуу журналист, медиа эксперттер мүчө болгон. Алар,Тамара Валиева, Азамат Тынаев, Авланбек Жумабаев, Нургүл Адыкеримова, Наргизи Нанакеева жана медиа форумда маалымат берген Семетей Аманбеков.
Эске салсак, ММКларды каттоо БШК тарабынан шайлоо күнү жарыяланган күндөн кийин 20 күн ичинде болушу шарт. 28-ноябрда боло турган Парламенттик шайлоонун датасын БШК 29-августта жарыялады.