“Шоро” компаниясынын “Максым” жана “Чалап” улуттук суусундуктары Минск шаарында өтүп жаткан “Белагро-2024” эл аралык көргөзмөсүндө “Эң даамдуу” сынагында жеңүүчү болуп табылды.
“Биздин улуттук суусундуктарыбыз көргөзмөгө келген меймандардын чоң кызыгуусун жаратты. Элдик дегустациянын жыйынтыгында кыргызстандык өндүрүүчүлөр көпчүлүк добуш менен биринчиликти ээлеп, жеңишке жетишти”,-деп жазды Эрбол Султанбаев.
Көргөзмөнүн уюштуруучулары кыргыз тарапка тиешелүү сертификаттарды тапшырышты.