Социалдык тармактарда тараган эки кыздын жаңжалы коомчулуктун кыжырын келтирди. Бул видео мындан эки ай мурда тартылган.
Видеодон жабырлануучуну алгач кантип сабап, андан кийин анын кекиртегине бычак сайып салгандыгын көрүүгө болот.
Алдын ала маалыматтар боюнча, аялды сабаган шектүү мурда да соттолгон.
Бул маалыматты Жалал-Абад облустук ички иштер башкармалыгы тастыктады. Учурда шектүү кармалган. Бирок, жабырлануучу дароо полицияга арыз жазган эмес.
«Видео эки ай мурун тартылган. Жалал-Абад ОИИБи тарабынан «Адам өлтүрүүгө аракет кылуу» беренеси боюнча кылмыш иши козголду. Шектүү убактылуу кармоочу жайга киргизилди. Иш сотко жөнөтүлдү», — деп берилет башкармалыктын маалыматында.