Сокулук районунда 42 жаштагы аялды сабап өлтүрүүгө айыпталып, 37 жаштагы эркек киши кармалды. Бул тууралуу Чүй ОИИБинин басма сөз кызматы билдирди.
Маалыматка ылайык, Сокулук РИИбине 4-август 23:30дар чамасында Селекция айылында аялдын жансыз денеси табылгандыгы тууралуу маалымат келип түшкөн. Иликтөөдө маркум 1979-жылы туулган Ж. А. экендиги белгилүү болгон.
Ошону менен бирге маркумду өлгүчө сабоого айыпталып 37 жаштагы Ч. Э. кармалып, убактылуу кармоочу жайга киргизилген. Алар биргеликте спирт ичимдигин ичкенден кийин, ортодо талаш жаралып, натыйжада аялды катуу сабап койгон деп жазылат.