Социалдык тармактардагы улуттар аралык мүнөздөгү чагымчыл билдирүүлөрдүн автору кармалды. Бул тууралуу УКМКдан билдиришти.
Атайын кызмат социалдык тармактарда чагымчыл билдирүүлөрдү системалуу түрдө жарыялаган жаранды аныктады.
Анын аракети этностор аралык чыр-чатакты козутуучу фактор болуп саналат жана массалык башаламандыкка алып келиши мүмкүн.
Тактап айтканда, блогер тарабынан социалдык тармактарда жарыяланган материалдарда улуттар аралык кастыкты козутуунун белгилери бар экени аныкталган.
Мындан улам «Расалык, этникалык, улуттук, диний же аймактар аралык кастыкты козутуу» беренеси боюнча кылмыш иши козголду. Шектүү УКМКнын тергөө абагына камакка алынып, тиешелүү тергөө иш-чаралары уланууда.
УКМК улуттар аралык кастыкты козутууга чакырган жалган жана провокациялык маалыматтарды тараткандыгы жана жарыялагандыгы үчүн кылмыш жоопкерчилигине тартылаарын эскертет.
