Нурланбек Исмаилов Мамлекеттик жаштар иштери, дене тарбия жана спорт агенттигинин алдындагы Спорттун олимпиадалык түрлөрү боюнча дирекциясынын башчысы болуп төрт жылга дайындалды. Бул тууралуу мамлекеттик агенттик билдирди.
Мурунку директор Жоомарт Шамканов өз каалоосу менен арызын жазып, кызматтан кеткен. Ал аталган кызматта 2018-жылдын январь айынан бери иштеп келген.
Нурланбек Исмаилов 1980-жылы 14-сентябрда Нарын облусунда туулган. Жогорку билимдин ээси.
2005-2007 — вице-президент — КРнын Күрөш федерациясынын грек-рим күрөшү бюросунун мүчөсү;
2007-2009 — «New York Athletic Club» спорт клубунун грек-рим күрөшү боюнча машыктыруучусу (Нью-Йорк);
2010-жылдан бүгүнкү күнгө чейин — Кыргыз Республикасынын Күрөш федерациясынын вице-президенти, спорттун ушул түрү боюнча Кыргыз Республикасынын курама командаларынын куратору.
Кыргызстандын беш жолку чемпиону, Азия чемпионатынын байгесинин ээси. 2006-жылы Кыргыз Республикасынын грек-рим күрөшү боюнча мыкты машыктыруучу деп табылган. 2019-жылы Нур-Султан шаарында өткөн UWW Дүйнө чемпиондугунун Ардак грамотасы менен сыйланган.
