Бүгүн, ӨКМнин Ош шаары боюнча башкармалыгынын жана Өзгөчө кырдаалдарга мониторинг жүргүзүү, божомолдоо департаментинин адистери тарабынан Сулайман-Тоонун кооптуу аймактарына мониторинг иштери жүргүзүлүп, таш кулап түшүү кооптуулугу бар аймактар аныкталды.
Учурда музей комплекси тарабынан жарандардын коопсуздугун камсыздоого багытталган чаралар көрүлүүдө. Бул кырдаалга байланыштуу, берилген корутундуну эске алуу менен, жарандардын коопсуздугу үчүн тоодогу туристтик жолдор жана Үӊкүр музейи убактылуу жабылды.
Буга чейин Сулайман-Тоого кирүүчү жолдор убактылуу жабылганын Маданият министрлиги кабарлаган.
