Күздүн келиши менен түшкөн жалбырактарды массалык түрдө өрттөө  башталат. Түшүп калган жалбырактарды жана куураган чөптөрдү өрттөөнүн зыяны өтө коркунучтуу жана абанын булганышына алып келет, аны өндүрүштүк газдар менен салыштырууга болот, ошондой эле адамдардын ден соолугун начарлатат, кээ бир өнөкөт ооруларды, өзгөчө астма менен ооруган адамдардын ооруларын күчөтөт. Тилекке каршы, биз буга маани бербейбиз.

Ден-соолукка терс таасирин тийгизүүдөн тышкары, жалбырактарды жана чөптөрдү өрттөө  дагы башка терс таасирлерге алып келет:- кургак жалбырактарда кыштаган пайдалуу курт-кумурскалар күйүп кетет;

— топурактын катмары бузулат, отко топурак түзүүчү микроорганизмдер өлөт;
— от чөп өсүмдүктөрүнүн уруктарын жана тамырларын жок кылат, бак-дарактардын жана бадалдардын түбүн жана алардын тамырларынын үстүн бузат;
— табигый жалбырактуу жерди жок кылуу кыртыштын тоңуп калуусунун 2-4 эсеге көбөйтөт;
— чарбалык участоктордогу чөптөрдү жана талаалардагы самандарды өрттөгөндө талаа жана токой өрттөрү, турак-жайлардын өрттөрү коркунучу пайда болот.

Түшкөн жалбырактарды жана кургак чөптү эмне кылуу керек? Биринчиден, бул жер кыртышынын катмары — топурактын жашоочуларынын толук жашоосун камсыз кылуунун аркасында топуракты коргоп, анын асылдуулугун арттырган даяр мульча. Бул компост дөбөлөрү үчүн материал, же жөн эле чирип, жалбырак чиринди пайда болот — топурак үчүн жер семирткич.

Шаарда аларды чогултуп, «Бишкекжашылчарба» МИнин күнөсканасына алып барып, түшкөн жалбырактардан жер семирткичтерди чыгарышат.

Ойлонуп көрүңүздөр!

Бир тонна өсүмдүк калдыктарын күйгүзгөндө абага болжол менен 9 кг түтүн микробөлүкчөлөрү бөлүнүп чыгат, алардын курамы чаң, азот оксиддери, көмүртек кычкылы, оор металлдар жана бир катар канцерогендик кошулмалар. Түтөп жаткан жалбырактардан бензапирен бөлүнүп чыгат, ал адамдын рак оорусуна алып келет, мындан тышкары, адамдар үчүн эң уулуу заттардын бири болгон диоксиндер түтүн менен абага тарайт.