Бишкек шаарындагы Түштүк магистралдын бир бөлүгүндө тышкы жарыктандыруу системасы жаңыланып, жаңы энергияны үнөмдөөчү чырактар орнотулду. Бул тууралуу Бишкек мэриясы билдирди.
Маалыматка ылайык, А. Масалиев проспектисинин Чортеков көчөсүнөн Байтик баатыр көчөсүнө чейинки 4 чакырымдан ашык тилкесинде жарыктандыруу тармагы толугу менен жаңыртылды.
Долбоордун алкагында 180 жаңы жарык берүүчү мамы орнотулуп, 360 заманбап энергияны үнөмдөөчү чырак пайдаланууга берилди.
Мэриянын маалыматына караганда, жаңы жарыктандыруу системасы жол кыймылынын коопсуздугун жогорулатып, аймактын инфраструктурасын жакшыртууга багытталган.
