Агартуу министрлигинин демилгеси менен мектепке чейинки билим берүү боюнча жаңы мамлекеттик стандарттарды жайылтуу үчүн тренерлерди даярдоо иштери жүрүүдө. Бул тууралуу аталган министрликтин басма сөз кызматы билдирди.
Маалым болгондой, долбоордун алкагында өлкө боюнча 250 тренер даярдалып, алардын жардамы менен 6000 тарбиячынын квалификациясы жогорулатылат.
3-июнда Ош, Жалал-Абад жана Баткен облустарынан келген 120 педагог жана адис үчүн окуу өткөрүлдү. Окутуулар жаңы билим берүү стандарттарын натыйжалуу ишке ашырууга жана мектепке чейинки билим берүү тармагындагы кадрлардын кесиптик деңгээлин жогорулатууга багытталган.
Иш-чара Кыргыз Республикасынын Агартуу министрлиги менен Ага Хан фонду тарабынан биргелешип уюштурулууда.
