Чүй облусунда такси айдоочуну тоноп-өлтүрүүгө аракет кылган 2 жигиттин бири өзү каза таап, экинчиси кармалды. Бул тууралуу Чүй ОИИБи билдирет.
18-апрелде тункү саат эки жарымдар чамасында такси айдап акча тапкан 33 жаштагы жаран өзүнүн «КИА» унаасы менен баратканда, анын машинесине 2 жаш жигит отуруп, Бишкектен Кашка-Суу айылына жеткирүүнү сураган.
Айтылган жерге жеткенде унаанын артында отурган 20 жаштагы жигит айдоочунун мойнуна бычак сайып, качып кеткен. Бирок айдоочу мойнуна сайылган бычакты сууруп алып, 19 жаштагы экинчи жигитке 2 жолу бычак сайган. Ал ооруканага жеткиче каза болгон.
Бул факт боюнча адам өлтүрүүгө аракет кылуу беренеси менен кылмыш иши козголду. 2004-жылы туулган жигит кармалып, камакка алынды. Тергөө жүрүп жатат.
