Кыргыз эли, улуттук адабияты оор жоготууга учурады. Таланттуу, чебер сатирик, юморчу жана фельетончу, Кыргыз Республикасынын эл акыны Жолочу Султанович Рысбаев 75 жашында мезгилсиз дүйнөдөн кайтты.
Жолочу Рысбаев Ысык-Көл облусундагы Түп районунун Жылуу-Булак айылында 1949-жылы 25-июнда туулган. Орто мектепти аяктагандан кийин Фрунзе шаарындагы В.И.Ленин атындагы машина куруу заводунда жумушчу болуп иштөө менен бирге 1974-жылы Кыргыз мамлекеттик университетинин филология факультетин сырттан окуп бүтүргөн.
Алгачкы чыгармачылык эмгек жолун 1975-жылдан тарта Кыргыз телерадио берүү компаниясында редактор болуп баштаган.
1988-жылдан тартып СССР жазуучулар союзунун мүчөсү.
Бир катар аңгемелердин, сатилалык чыгармалардын жана обондуу ырлардын автору.
