Токио 2020 Олимпиадасынан алтын алган спортчунун медалын шаар мэри, маскасын чечип тиштеп койгону үчүн, спортчуга жаңы медаль берилет. Бул тууралуу ВВС басылмасы жазды.
Япониянын Нагоя шаарына биринчи ирет алтын алып келген Миу Гототу өз жеринде тосуп алуу аземинде, шаар мэри Такаси Кавамура толкундануу менен симфоликалык ырымга айланган ыкманы туурап, маскасын чечип медалды тиштеп койгон. Бул көрүнүш коомчулуктун агресивдүү сынына кабылды. Пандемиялык шартта, санитардык-гигиеналык талапты сактабагандыгы үчүн мэрдин кылыгын жосунсуз деп сындашкан.
Натыйжада Олимпиада уюштуруучулары меделды алмаштырып берүү чечимин кабыл алышкан. Медалдын чыгымы толугу менен Эл аралык Олимпиадалык комитет тарабынан каржыланат. Ал эми шаар мэри Такаси Кавамура медаль ээсинен жана коомчулуктан кечирип сурап, мэр катары жосунсуз жорук жасаганын моюндаган.
Миу Гото Токио 2020 Олимпиадасынан спорттун софтбол түрү боюнча мелдештен алтын медаль алган.