Токмок шаарында “Токмок суу канал” ММдин балансында турган мамлекеттик мүлктү уурдоо фактылары аныкталды. Бул тууралуу УКМКдан маалымдашты.
Тактап айтканда, “Токмок суу канал” ММдин директорунун орун басары баш болуп аталган мекеменин директоруна билгизбей ири суу түтүктөрүн сатуу боюнча коррупциялык схеманы уюштурган.
Ошол эле учурда, козголгон кылмыш ишинин алкагында “Токмок суу канал” ММдин директору О.С.К.га муниципалдык менчикти сатууну жашыруу максатында 60 миң сом пара берип жаткан жеринен анын орун басары кармалып, убактылуу кармоочу жайга киргизилди. Мындан тышкары, унаасынан суу түтүктөрүн сатуудан түшкөн дагы 135 миң сом акча каражаты табылган.
Учурда тергөө иш-чаралары жүрүп жатат.
