Бишкектеги Учкун кичи районунда жылуулук жана ысык суу берүү убактылуу токтотулду. Бул тууралуу мэриядан билдирди.
«Бишкек жылуулук тармагынын» кызматкерлери текшерүү учурунда түтүктөн диаметри 377 мм болгон (1994-жылы пайдаланууга берилген) квартал аралык ысык суунун агып жатканы аныкталды. Ошол себептен аталган аймакта жылуулук жана ысык суу берүү убактылуу токтотулду.
Учурда оңдоо бригадалары жабыркаган жерин жана ордун аныктоо иштерин жүргүзүүдө. Тиешелүү оңдоо иштери бул аймакта жылуулук менен камсыздоо толук калыбына келгенге чейин улантылат.
